球隊活動
首度征戰正式聯賽，一齊見證港人隊伍登場！
2025–2026 MABL 籃球聯賽，Manchester HongKongers 隆重登場！
我哋正式宣佈：Manchester HongKongers 籃球隊將出戰 2025–2026 年度 Manchester Area Basketball League（MABL）！
作為曼城地區具規模嘅業餘籃球聯賽，今次係我哋球隊重要嘅一大步！
非常榮幸獲得來自香港品牌 「賞茶」 成為球衣與開季籌備贊助商，亦感謝長期支持港人社群嘅 「同行搬屋」，承諾全季贊助球隊參賽開支，與我哋同行！
本屆賽事採主客場形式，我哋主場將設於 Manchester College（Openshaw Campus），與 Kongers FC 共享同一主場，象徵港人團結力量！
📅 賽季資訊
🏆 聯賽名稱：Manchester Area Basketball League (MABL)
📍 主場地點：Manchester College Openshaw Campus
📅 賽季時間：2025–2026（具體賽程稍後公布）
💡 最新消息將於 IG／網站同步更新，敬請關注！
打波無壓力，輕鬆出汗每個週末
星期六自由打，無需組隊都可以嚟落場！
想每個週末朝早都有場打？唔駛搵人夾隊、唔駛報名，直接嚟就得！
MHKERS 每逢星期六早上 9 點至 11 點喺室內場搞自由打活動，無論你係新手、返嚟熱身定老手放鬆，只要想出汗打波，就可以 join！場內氣氛輕鬆，歡迎單人或朋友一齊嚟。
打完波仲可以一齊 brunch 食早餐，開心開始週末！
一齊練波、一齊進步，打得更穩更有信心
週中成人籃球訓練日 – 針對實戰、重點技術操練！
除咗自由打，我哋仲定期安排週中成人訓練日，由有經驗教練設計針對性訓練內容，涵蓋投籃、傳球、切入、協防、跑位等各種實戰技巧。
無論你係初學者想打好基本功，定係打開比賽想精進實力，都適合參加。課堂內容會按照人數及程度作調整，重視實用同交流，幫你打波打得更 smart、更有隊波 feel。
開心打波由細開始，培養港式團隊精神！
週末青少年興趣班 – 為香港小朋友而設嘅快樂籃球時間！
好多家長都問：「你哋打波咁開心，有無啲小朋友都可以玩吓？」
我哋聽到啦！幾位有心教練決定一齊搞個 Manchester HongKongers Jr 青少年班，等小朋友可以開心打波、學技巧、交朋友！
課程由淺入深，適合初學小朋友參加。透過遊戲形式訓練基本功，加強身體協調、合作能力同自信心。
📅 活動詳情
📆 日期：逢星期日早上
🕤 時間：09:30 – 11:30
📍 地點：Manchester M20 區體育館
💬 查詢：歡迎 WhatsApp 或 IG DM 聯絡報名
🧒 對象：適合 6–12 歲小朋友（初學、零經驗都得）
📌 注意事項
⚠️ 暑假期間 Sale 班暫停，將於 9 月中重開
🏀 參加者需自備籃球一個
👟 請穿著運動服及運動鞋
從一場自由打對賭汽水開始，港人專屬賽事誕生
大西北口水盃籃球賽
「口水盃」誕生於一場牙骹戰——最初係一場星期六自由打，有人撩鬥波，賭注只係一罐汽水。由嗌波變真波，漸漸發展成球隊內一項極具代表性嘅傳統比賽！
至今已經成功舉辦咗 4 屆，每一屆都爆笑又精彩，唔止比賽，仲有啤啤豬、攤位遊戲同港人小食，絕對係一次連結球員、朋友同家庭嘅歡樂聚會。
而家，我哋正密鑼緊鼓籌備 第 5 屆口水盃，將加入更多新元素同遊戲互動，等大家「打波 + 團聚」雙重享受！
📅 比賽資訊（暫定）
📍 地點：待定（曼城西北區）
🗓️ 日期：籌備中，詳情即將公佈
👥 對象：球員＋親友＋觀眾，歡迎所有港人參與
🍿 活動亮點：友誼對賽＋小遊戲＋港式小食＋頒獎環節
不止打波，我哋仲有一班可以玩得又食得嘅朋友
打完波，當然要一齊飲飲食食！
喺 Manchester HongKongers，打波只係開始，我哋仲係一班 兄弟姊妹團！由飯局、酒會、睇戲到周年活動，我哋唔時都會聚下、笑下、瘋狂下。
我哋試過：
🍽️ 餐廳包場搞周年紀念飯
🍷 酒店搞音樂酒會
🎬 包場睇《The First Slam Dunk》
🍻 打完波即刻轉場 happy hour
呢啲活動唔止拉近球員之間嘅距離，仲係香港人喺英國建立新圈子嘅重要橋樑。
📱 想知更多？
想參加我哋下一次 gathering？記得 follow Instagram 或 入 WhatsApp 群組，我哋會第一時間公布最新活動資訊！
球隊回饋
來自球員、家長與支持者的真心分享
「阿仔參加咗 MHKB 嘅青少年訓練班之後，自信心明顯提升咗，學識團隊合作，仲識咗唔少朋友，真係多謝教練團隊！」
黃生，曼城家長 (青少年班)
「每個星期六自由打，真係成為我解壓放鬆嘅時間。無論打得叻定新手都玩得好開心，氣氛好 chill 又有香港人嘅親切感。」
Kelvin (自由打）)
成為 MHKB 贊助夥伴，唔只係品牌曝光咁簡單，更多係一份支持社區、支持香港人精神。我地非常榮幸一齊同行
(LINKUHK)
贊助夥伴
感謝以下合作夥伴一直以來對 Manchester HKERS 嘅信任與支持，令我哋可以持續推動港人社區籃球文化發展，無論係場地租用、球衣贊助定活動支援，都係我哋向前邁進不可或缺嘅力量。
